بدھ، 10 فروری، 2021

تبلیغ وتلقین

 

تبلیغ وتلقین

صحابی رسول حضرت معاویہ بن حیدہ رضی اللہ عنہ اپنے قبول اسلام کی داستان سناتے ہوئے فرماتے ہیں، میں حضور اکرم ﷺکی بارگاہِ عالیہ میں حاضر ہوا، میں نے عرض کی یارسول اللہ ﷺمیں آپکی خدمت اقدس میں اب تک اس لیے نہیں حاضر ہوا کہ میں نے اپنے ہاتھوں کے پوروں کی تعداد سے زیادہ مرتبہ یہ قسم اٹھائی تھی کہ نہ تو میں کبھی آپکے پاس آئوں گا ، اورنہ ہی آپکے دین کو اختیار کروں گا، (انھوں نے یہ بات بیان کرتے ہوئے اپنے دونوں ہاتھوں کو ایک دوسرے پر رکھتے ہوئے پوروں کی تعداد کی طرف اشارہ بھی کیا)لیکن اب اللہ رب العزت نے مجھے آپکی خدمت میں حاضر ہونے کی توفیق عطاء فرمادی ہے اورمیری حالتِ زاریہ ہے کہ میرے پاس دین کا بہت ہی تھوڑا ساعلم ہے ، میں آپ کواللہ تبارک وتعالیٰ کی ذاتِ عظیم کا واسطہ دیکر پوچھتا ہوں کہ ہمارے پاک پروردگار نے آپکو کیا دے کر ہمارے پاس بھیجا ہے ، حضور اکرم ﷺنے ارشادفرمایا کہ اللہ تعالیٰ نے مجھے دین اسلام دے کر تمہاری طرف بھیجا ہے ، حضرت معاویہ ؓنے پوچھا ، اے اللہ کے مبارک رسول یہ دین اسلام کیا ہے؟ حضور علیہ الصلوٰۃ والسلام نے ارشادفرمایا : دین اسلا م یہ کہ تم یہ کہوکہ میں نے اپنے آپ کو اللہ تبارک وتعالیٰ کا فرماں بردار بنادیا اورمیں اللہ رب العزت کا علاوہ باقی سب سے بے نیاز ہوگیا، نماز قائم کرو اورزکوٰۃ اداکرو، (یادرکھو ) ہر مسلمان دوسرے مسلمان کیلئے قابل احترام ہے، دونوں مسلمان آپس میں بھائی بھائی بھی ہیں، اورایک دوسرے کے مددگار ومعاون بھی اورایک مشرک انسان جب مسلمان ہوجائے، تو اسلام کے بعد اللہ تبارک وتعالیٰ اسکے عمل کو اس وقت قبول فرمائے گا، وہ مشرکوں کی معاشرت سے جدہوجائے (یعنی ہجرت کرکے مسلمانوں کے ماحول اورمعاشرے میں آجائے) مجھے کیا ضرورت تھی کہ میں تمہاری کر پکڑپکڑکر تمہیں جہنم کی آگ سے بچائوں، مگر سنو!بات یہ ہے کہ یہ پاک پروردگار مجھے بلائے گااورمجھ سے پوچھے گا کہ کیا تم نے میرا دین میرے بندوں تک پہنچادیا تومیں یہ عرض کرسکوں گا کہ اے میرے رب ذوالجلال ! ہاں میں نے تیرے دین کی دعوت تیرے بندوں تک پہنچادی ہے، غورسے سنو! تم میں سے جو لوگ یہاں حاضرہیں وہ ان لوگوں تک یہ دعوت پہنچادیں جو یہاں موجود نہیں ہیں ، غور سے سنو! تمہیں قیامت کے دن اللہ کے سامنے اس حال میں اٹھایا جائیگا کہ تم مہربلب ہوگے اورسب سے پہلے انسان کی ران اورہتھیلی اسکے اعمال کی خبر دیگی ، معاویہ ؓکہتے ہیں میں نے پوچھا یا رسول اللہ ! یہی ہمارا دین ہے آپ نے فرمایا ہاں یہی تمہارا دین ہے تم جہاں بھی رہ کر اس پر اچھی طرح عمل کروگے یہ دین تمہارے لیے کافی ہوجائیگا۔(الاستعیباب : ابن عبدالبد)

کوئی تبصرے نہیں:

ایک تبصرہ شائع کریں

حضرت سیدہ عائشہ صدیقہ رضی اللہ عنہا

  حضرت سیدہ عائشہ صدیقہ رضی اللہ عنہا  حضرت عائشہ صدیقہ رضی اللہ تعالی عنہا نبی کریم ﷺ کی زوجہ محترمہ اور حضرت سیدنا ابو بکر صدیق رضی اللہ ت...